Kalasha Peoples Call for Cultural Survival

Gul Shaheen session court una o Case ari aw

Gul Shaheen Khoshamat a chu Buda as chutiak una kho ji ja dai aini.Gul Shaheen Sabak mahiman ais shatalako tasa beruas dura ne pariman ais.Beru as zhe Gul Shaheena dadas mocuna ek zhe du jis malas janjal thi pai court una z’hal’i ashis.Ade Qazian ta Istriz’ha Gu’a'kas pati una ade o Suda as,Shatalako kia faisala ne thi adalatai geri ashis.

District civil Court Suda as hakuna faisala dai ais yani dujis mal Gul Shaheena dadas diheli himan ashis,se session Court una appeal araw z’he ona o S.court o shama Faisala praw ki ek jis mal Dadas del.Mazit o court ani Qagazat jagai o pata hio ko ki Al’ai mocai bo mondr shian.

Hokumat 18 Qazi warek agri aaw

Hokumat K’al’as’on dastur z’he mashab thawahikas bati bo kushush kario dai.S’umber 15 Qazi aini,tasi kl’an 1000 rupaya hokumat diman ais.Onja o gairi Homa Hokumat Har deshuna 5 ta moc ek o istriz’a Qazi ari aaw z’he tasa mastrukasa adek kia tankha dikas bati asta citio dai.Filhal Noa Qazi an Nom mai hatia pata neji hin aalbat Mumuretai Juha beg,Mubur Khan,Merak,Mangal Khan,Khoshamata nom pata.

Jan Dula khan Jail ani dras’nao

Dula 4 mastruk jail una apao dai o dras’nao.Tasa dash hazar rupaya jirmana aran.Tasa malgiri Gazi khan o onja asta Jailuna asao.Albat 20 bas mocuna se asta dras’nio.

Kirik Dyai Shiau-Avalanche hits village of birir

Kal’as’a deshuna kirik bo ziat praw. Biriu srast ita dur zhe gos’ hada. PuraC’hatraw asta kirik dyai shiau. E’he’~ asta ek jis’t’ kirik dyai shiau. Mut’asta bo chi shian Kal’as’a deshuna zhe bo awata.
Kalasha valleys have been hit by heavy snowfall in spring as well in chitral. According to Talim Bazik in kalash valley birir an avalanche has damaged houses and goat stables.

Wali Shah Caku gri tan kuch zaya arao

Wali Shah Saif U llah Jana Bayas Putr du bas s’umber Noor Ali a som khacamondr dek hul’a,Durai mocan kahari hikas thara Wali shah Caku gri tan kuch du awatai Ga~ng arao.Khodays som shukur se bac hawao.Wali Shah 8 ita sabak mahiman ais,Tasa Dadas Saif fullah dura bomb his 7 kao s’umber nashai aini.

Jamal Dina Putr Ubujao

Jamal Din Nabros Khana Putr Sada man a nawal’as Ek asta putr ubujao.Tasa jaas Ruzi a chu Sher bahadera o baba.Du putr hawan Jamal dina.

Nabeg Baya K’AL’AS’ON awelo Wakil Hawao.

Nabeg Baya Sharakay a Nawl’as LLB ani Imtihan una kamiyab thi awelo Kal’s’a wakil Hawao.
Se onja Lahore Court una c’ic’ao dai.
Bo S’abs’ta tai Sharakata Nawal’as Hatia.

AMMAL PRAW-spring

Homa tal’ay ammal dyita.
according to the sun watchers in the kalash valleys the spring has started…

Government will establish Community centers in three Kalash valleys

The Provincial Government has approved 5 million Rs For Kalash People. This money will be used to construct Community Halls in Three Kalash Valleys. Remember few months ago also 5 million had already given to district government to repair Kalash Jestak Hans and other religious Places. The credit goes to our respected Secretary minorities Mr. Zubair Shah. Before him the Kalash People had never even considered in their meeting .We thanks our Great Secretary for his efforts and kind attention towards Kalash People.

Sahib Nasir asta putr wala hawao

Sahib Nasir par z’oshuna Bibihan Ja kai ais.Se putr alao.Sahib Nasira kai bobo Bumburat.
BiBi Katarsing a chu c’hatak una khoji faizi alam a dai aini tasa pi o se Sakdar khan (Rukmul’a)a som al’as’ing thi paraw.Tasa pi ek chu ubuji ais magam Sakdar Khan par Musulman hawaw zhe Bibihan asta Musulman karikas kushus arao magam tasa dadas zhe bayasi zor as dai patual’ok to zorian musulman karik ne abahan.Bibihan ta Sahib Nasira som paraw tasa chulas o dadas ani.Chul’as gos’tnik asta thi ashis magam dadas onja o to Musulman kai aao.Islam as kanun una o 15 kal’ani s’umber o kura musulman ne hiw se kho ek masum.Isa pi s’umber asta Muhaidin Khan goi moc tan 4 kwhul’a putras musulman kai asao.Onja achitim dai sao Kal’as’a bayai pe my some madat aran hao a tasi bati case karim ta ke iodai waktuna o shehe~n nebata hio.