Hai Hai Jamal Din Sawin Jigar asta Dunia ani parao.
22 julay as batkismat adu homa khosh malgiri zhe baya Jamal Din Nabroz Khan Rukmula as putras L’undur ugani chal’aikweo ugabat thi anashao.Tasa du putr aini,se Roozi Khan a chul’as sher bakdera babas ja kai ais.
Jamal sawin khosh moc ais tasa bati homa astru s’is’irik kai asta band ne hin.
Khodai askai homa sawin bo zihat suhal ki Homa baya tan prust dura apao dihel ori.
Tasa Dadas bayas Chul’as Namir Gul asta 30 Julay adu anashao.Se canser as lahas ais.Par tasa khur chini aini magam wadi asta ek kaw Peshwar ilac karikas justuna tihk ne hawao.Saeedaman a khandanuna bo gona wakia hawan thoday tasi saphur deori zhe asiru an hatia o khayar aphihat zhal’al ori.